Hálfvitar!!!

Auðvitað er ESB og Evran á dagskrá það er eina raunhæfa leiðin út úr þessum vanda til langframa allt annað eru skyndilausnir!  Ef við værum með Evru að þá væri án vafa fjármálavandræði en við værum laus við helming vandans, þ.e. gengishrun krónunnar!

Ef stjórnmálamenn sjá þetta ekki að þá erum við mesta samansafn af heimskingjum á Alþingi!  Óþarfi er að nefna Seðlabankann en þar hafa menn sennilega verið á einhverju fylleríi því nánast ekkert hefur verið gert og það sem gert hefur verið hefur verið eins og að hella olíu á eld!

Vanhæfni stjórnkerfisins er hrópandi!

Það þýðir ekki núna að nota blinda augað,  nú er tími fyrir stjórnmálamenn að axla ábyrgð ef þeir eru á annað borð færir um það!

Við höfum einungis tvær leiðir í stöðunni eins og ég sé hana...

1. ESB og neyðarinnganga í Evruna
2. Alþjóða gjaldeyrissjóðurinn - þessi kostur er langverstur!

 

KRÓNAN ER DAUÐ!

Evran ekki á dagskrá

Athugasemdir

[Guðmundur Eyjólfur Jóelsson, 3.10.2008 kl. 18:26]

Við erum ekkert með evru eða við erum ekki í evrópusmbandinu og þurfum fyrst að vinna okkur út úr þessum vanda áður en við komum til greina að komast þar inn svo að allt tal um að ganga nú þegar inn er tómt píp og er aðeins til að trufla það sem liggur á nú ,síðan finnst mér alveg sjálfsagt að fara í umræður og sjá hvað er á boðstólum í evrópusambandanu

[Joseph (IP-tala skráð) 3.10.2008 kl. 18:30]

Hálfvitar ... nei þú ert hálfviti. Þú gerir þér væntanlega ekki grein fyrir því hvað það eru ótalmargir ÓKOSTIR við að fara í helvítis ESB. EES samningurinn tryggir okkur tollafríðindin inn í ESB og því er varla hægt að nota það sem rök. Auk þess myndum við missa fiskinn okkar og ÞAÐ ER ÞAÐ SEM HEFUR HALDIÐ ÞESSU LANDI GANGANDI Í 1000 ÁR!!! Það er ekki stjórnmálamönnum að kenna að þú tókst lán á bílinn þinn sem þú ræður ekki við núna. Hættu að kenna öðrum um. Djöfull er ég reiður út í þig helvíti moggabloggari!

[Jónas Tryggvi Jóhannsson, 3.10.2008 kl. 20:12]

Það skiptir engu máli þótt við séum ekki gjaldgeng fyrir evru; austur evrópa var það ekki heldur! Aðilum er bara hjálpað þegar þarf, og við Íslendingar þurfum á hjálp að halda því við sitjum uppi með verðlausann ónýtan gjaldmiðil! Svíþjóð stóð frammi fyrir bankakreppu og þess vegna sóttu þeir um að sínum tíma, og sú aðgerð er talin hafa verið akkeri í falli þeirra gjaldmiðils SAMA þótt þeir tóku svo ekki upp evru! Bara yfirlýsingin að ætla að stunda jafn ábyrga efnahagsstjórn og ESB krefst var nóg til að eyða óvissunni um framtíð efnahags Svíþjóðar.

[Stefán Helgi Kristinsson, 3.10.2008 kl. 20:17]

Joseph, ég er nú reyndar skuldlaus kallinn minn og á nægan gjaldeyri fyrir mínum þörfum.   Svo er nú hálfvitaskapur að halda því fram að við missa yfirráð yfir auðlindunum þegar á það hefur ekki reynt með aðildarviðræðum!

Það er heimska að vera ekki búinn að kanna hvernig samning við gátum fengið þegar efnahagskerfið var í lagi hjá okkur.  Þess í stað verðum við að setjast að samningaborðinu með mjög veika samningsstöðu.  Vandamálið er svo gígantískt að ríkissjóður og seðlabanki íslands hafa ekki burði til þess að ráða við það... þess vegna munum við neyðast til þess að leita til annarra þjóða og/eða ESB því ef það gengur ekki eftir að þá er einungis versti kosturinn eftir og það er Alþjóða gjaldeyrissjóðurinn.  Gallar ESB blikna á móti því sem yrði ef svo fer að við neyðumst til að leita ásjár hans!

Það er ekkert útilokað að ESB myndi samþykkja einhvers konar bráðabirgðalausn sem myndi leiða til inngöngu í myntbandalag Evrópu,  á það þarf einfaldlega að reyna en ekki vera með slíka heimsku að segja að eitthvað sé útilokað áður en á það er reynt!