Það þarf að borga Kárahnúkavirkjun

Er þetta ekki bara ein afleiðing af því að ráðist var útí þessa heimskulegu framkvæmdir við Kárahnjúka og samningamenn okkar Íslendinga voru svo lélegir að við erum í raun að borga með orkunni en ekki að græða á henni.

Ef við værum að græða að þá væri varla nauðsynlegt að hækka raforkuverðið endalaust - er það?

Raforkudreifing hækkar í verði

Aumingjar og bleyður!

Ég held að það þurfi ekki að hafa mikið fleiri orð um þetta lið en það sem fyrirsögnin segir... fólk sem þorir ekki að standa með og verja þjóð sína á erfiðum tímum á að segja af sér á stundinni og biðja þjóðina afsökunar á heigulsháttnum!

Stjórnmálamenn hvetja til samstöðu

Landráð!

Ef hér hafa ekki verið framin landráð að þá veit ég ekki hvað það er... en hvað er það annað en landráð að gera frjálsa íslendinga að skuldaþrælum gömlu nýlenduveldanna Breta og Hollendinga?

Nú er komið að þér Ólafur Ragnar Grímsson... ertu maður eða mús?!  Þjóðin kaus þig í beinni kosningu og er að kalla eftir því að þú framfylgir vilja þjóðarinnar,  þ.e. að neita að skrifa undir þennan þrælasamning og senda þessa landráðagjörninga til þjóðarinnar til atkvæðagreiðslu.

Þessi orrusta virðist hafa tapast en stríðið um frelsi lands og þjóðar er rétt að byrja!

Alþingi samþykkti Icesave

Icesave ekki byggt á lagaheimild

Skv. Magnúsi Inga Erlingssonar, lögfræðings í Seðlabankanum er Icesave ekki byggt á neinni lagaheimild!

Þetta segir hann í grein sem birtist í Mogganum og RUV.is greinir frá því á sinni síðu svona:

 

"

Icesave-skuldbindingin byggir ekki á skýrri lagaheimild, hvorki innlendri né evrópskri. Þetta er skoðun Magnúsar Inga Erlingssonar, lögfræðings í Seðlabankanum. Það sé hafið yfir allan vafa að ríkisábyrgð á Icesave-skuldbindingunum eigi ekki við rök að styðjast.

Magnús Ingi skrifar grein í Morgunblaðið í dag þar sem hann segir öll rök hníga að því að íslenska ríkið eigi ekki að veita ríkisábyrgð á Icesave-skuldbindingunum. Hann bendir á að við þegar lög um innstæðutryggingar hafi verið samþykkt hafi verið sérstaklega tekið fram í frumvarpinu að bankarnir væru ekki ríkisbankar og innstæðutryggingasjóðurinn skyldi vera sjálfstæður.

Þá liggi fyrir Alþingi að lögleiða breytingartilskipun frá Evrópusambandinu um sama efni - í því frumvarpi sé sérstaklega tekið fram að ekki sé verið að leggja til að þau lán sem tryggingasjóður taki njóti ríkisábyrgðar.

Magnús Ingi bendir einnig á að tryggingakerfið sé aðeins hannað til að mæta falli einnar fjármálastofnunar með því að bjarga öðrum fjármálastofnunum en ekki að bæta tjón allra innstæðueigenda. Ef tjóni sem hlýst af kerfishruni heils fjármálakerfis er velt yfir á þjóð setji það fjárhagslegt fullveldi hennar í hættu og risti nærri ýmsum stjórnarskrárbundnum ákvæðum. Svo viðamikil skuldbindin þarf því að byggjast á skýrri lagaheimild sem hún gerir ekki, hvort sem litið er til laga hér á landi eða Evrópulöggjafar, segir Magnús Ingi í grein sinni. Hann segir niðurstöðuna þá að það sé hafið yfir allan vafa að ríkisábyrgð á Icesave-skuldbindingum sjálfseignastofnunar eigi ekki við rök að styðjast.

Þá segir hann að vaxtakjörin í Icesave-samningnum séu líklega andstæð Evrópureglum. Loks bendir Magnús Ingi á að þjóðréttarleg staða Íslands hafi verið færð í búning einkaréttarlegs samnings og undir bresk lög - sem geri Bretum og Hollendingum kleift að útiloka íslensk lög og stjórnarskrá og fella gengisáhættu vegna samniganna á íslenska ríkið. Unnt sé að semja um þetta upp á nýtt og óhikað að fela dómstólum að fjalla um málið.

"

Það að samþykkja Icesave er svik við íslenska þjóð!

Önnur tillaga um þjóðaratkvæði

Sorglegt!

Hvers vegna fær ekkert að vera í friði?

 

Hér er annars geitin áður en hún var brennd.

Jólahafurinn í Gävle brenndur

Gleðileg jól 2009

Sendi öllum nær og fær mínar bestu jólakveðjur

Feministar halda kjafti

Það er greinilega ekki sama hvort það er Adam eða Eva þegar kemur að efni með nöktu fólki.

Einhvern vegin svona er hugsunarháttur þessa öfgafólks:

 Eva = Fórnarlamb ógeðslega sveittra hvítra karla sem nýta sér neyð hennar.

 Adam = Vá,  hvert er símanúmerið hjá honum þessum.

 

Vestfirskir fótboltamenn á Adamsklæðum

Asnalegt! Hver er svo kostnaðurinn?

Þetta er alveg skelfilega vitlaus hugmynd og greinilega alls ekki hugsuð til enda.  Var ekki bara hægt að nefna einhverjar nýjar götur eftir þessum konum í staðinn fyrir að breyta nöfnum á götuheitum sem eru fyrir löngu orðin partur af Reykvíkingum.  Ég segi nú bara fyrir mig að gömlu nöfnin verða áfram notuð í mínu höfði.

Svo er spurningin hvort reiknaður hefur verið út kostnaður vegna þessara breytinga,  borgin þarf að greiða fyrir ný götuskilti en hvað með þann kostnað sem felst í þessu fyrir einstaklinga og fyrirtæki ætlar borgin að borga þann kostnað?  Það hlýtur eiginlega að vera þar sem þetta eru algjörlega ónauðsynlegar breytingar!

Fyrirtæki sem lenda í þessu eiga að senda borginni reikning vegna endurgerðar og endurprentunar á bréfsefnum og öllu markaðsefni fyrirtækjanna.

Ég hélt að það væri kreppa en fyrst menn eru til í að henda milljónum í svona gæluverkefni að þá er nægur peningur til.  Hvernig væri að láta núlifandi kvenskörunga hjá  mæðrastyrksnefnd eða fjölskylduhjálp Íslands fá þessa peninga í staðinn fyrir að eyða þeim í þessa vitleysu?

Minning kvenna heiðruð með götunöfnum

Fáránlegir dómar á Íslandi!

Hér er maður dæmdur í 4 mánaða óskilorðsbundið fangelsi fyrir vörslu og meðferð fíkniefnis sem er minna hættulegt en lögleg fíkniefni eins og tóbak og áfengi sem ríkið selur í stórum stíl.  Lögleiðing eða ekki er hins vegar ekki það sem brennur á mér varðandi þessa frétt.

Það sem brennur á mér er að þessi maður er dæmdur í fangelsi á meðan dómari komst að þeirri niðurstöðu nýlega að engin af 6-8 stúlkum sem rændu og börðu kynsystur sína hrottalega í Heiðmörk þyrfti að sæta refsingu fyrir.  Þar var þó um að ræða mannrán og hrottalega líkamsárás sem að mínu mati gæti með réttu fallið undir tilraun til manndráps.

Það er eitthvað verulega mikið að þessu samfélagi og öllum kerfum þess!

Er eitthvað skrítið að fleiri og fleiri hugsi sér að flytja af landi brott þegar réttlætiskennd almennings í landinu er nauðgað hvað eftir annað?

Fjórir mánuðir fyrir meðferð kannabisefna

Er ekki í lagi?

Manni sýnist á þessu að ungt fólk verði skikkað til þess að taka jafnvel ólaunuð verkefni sem það í raun borgar með skerðingu á atvinnuleysisbótum.  Ef eitthvað er að þá gæti staða þessa hóps versnað.

Ég legg svo til að öll þau úrræði sem er talað um verði búið að koma á fót ÁÐUR en skerðing á bótum hefst - ég hef illan grun um að áætlunin sé að skerða fyrst og svo sjá til.

Úrræði fyrir 2.400 ungmenni