Svikarar og landráðamenn!

"Gamla Ísland" er greinilega enn allsráðandi í þjóðfélaginu eins og þessi gjörningur sýnir svart á hvítu!  Stóra spurningin er hvernig sé hægt að ógilda þennan heimskulega samning sem veldur borgarbúum og fleirum stórtjóni til langs tíma!

 

Ég legg til að laun þeirra borgarstjórnarmanna sem samþykktu þennan samning,  sem felur í sér tap uppá marga milljarða króna,  verði fryst og haldið eftir sem skaðabótum upp í þennan skandal sem átti sér stað í ráðhúsi Reykjavíkur í dag.

 

Einnig vil ég að fari fram lögreglurannsókn á hagsmunatengslum þeirra borgarstjórnarmanna sem samþykktu þennan samning við Magma og aðra hagsmunaaðila!

 

Það er alveg ótrúlegt að þessi samningur skuli hafa verið t.d. samþykktur án þess að farið hafi fram áhættumat á þessu erlenda fyrirtæki Magma!  Það má líka spyrja sig,   er regluverk EES/ESB það götótt að það dugi að stofna skúffufyrirtæki í EES landi til þess að geta sölsað undir sig auðlindum þeirra þjóða?

 

Hvers vegna hefur engin lagaleg úttekt verið gerð áður en fávitarnir í borgarstjórn samþykktu þennan samning!?

Sala í HS Orku samþykkt

Athugasemdir

[Már (IP-tala skráð) 15.9.2009 kl. 17:53]

Þetta eru landráðamenn.

Ef ég hitti þetta fólk út á götu þá fær það að heira það frá mér. Það er loforð.

Ég átti hlut í þessari orku eins og aðrir Íslendingar en það var sellt fyrir slikk af glæpafólki Sjálfstæðismanna og Frammsóknarmanna.

[Vignir Óskar (IP-tala skráð) 15.9.2009 kl. 17:58]

Skoðið þetta gott fólk.

Einkavæðing Sjávarútvegsins voru mistök. Einkavæðing Bankana voru enn stærri mistök. Hinsvegar var einkavæðing Orkuveitunnar sem hófst dag. Upphafið að mestu mistökum Íslandssögunar.

Aðeins orkan getur bjargað okkur útúr skuldasúpum. Við þurfum orkuna til að byrja nýjar hugmyndir. En ágóðinn mun fara erlendis frá og með deginum í dag.

Ef menn halda svo að þetta sé búið þá eru þeir á villigötum. Orkan mun enda meira og minna öll í eigu erlendra auðhringja.

Mér hefur aldrei verið eins óglatt og í dag í sálinni. Ég skammast mín fyrir að vera Íslendingur en þakka guði fyrir að hafa aldrei kostið þessa einkavæðingarflokka Sjáflstæðisflokks og Frammsóknar. Glæpamenn Íslands.

[Hallur Magnússon, 15.9.2009 kl. 21:21]

Mótmælendur á pöllum borgarstjórnar eru að gera hróp að röngum aðila. Ef fólkið er á móti því að leigja orkulindirnar á Suðurnesjum þá er Orkuveitan og meirihlutinn í borgarstjórn ekki rétti aðilinn að skamma. Reykvíkingar hafa ekki umráð yfir þeim orkuréttindum. Það eru sveitarfélög á Suðurnesjum sem þegar hafa samið um nýtingu orkulindanna.

Ef fólkið er á móti því að leigja orkulindirnar í svo langan sem raunin er - það er til 65 ára - þá eiga þeir ennþá síður að gera hróp að meirihlutanum í borgarstjórn. Þeir eiga að gera hróp að ríkisstjórninni fyrir að breyta ekki lögum þannig að leigutími á auðlindum verði styttri og að sveitarfélögunum á Suðurnesjum fyrir að nýta sér að fullu þann möguleika sem lögin gefa.

Ef fólkið er á móti því að Orkuveitan selji hlut sinn þá á það að gera hróp að samkeppnisyfirvöldum sem túlka samkeppnislög á þann hátt  raun ber og skikkaði Orkuveituna að selja. Eða þá stjórnvöldum fyrir að setja ekki sérlög um að Orkuveitan geti átt hlutinn áfram.

Ef fólkið er á móti því að Orkuveitan selji Magma Energy hlut sinn í HS Orku - þá er Orkuveitan ekki sá aðili sem skamma skal. Magma Energy er eini aðilinn sem hefur gert tilboð. Fólkið á að skamma ríkisstjórnina fyrir að ganga ekki inn í samninginn - eða það á að skamma ríkisstjórnina fyrir að breyta ekki löggjöf þannig að ekki megi selja hlutinn til erlends aðila.

Hvernig sem á málið er litið - þá er fólkið á pöllunum að gera hróp að löngum aðilja.

Ein ástæða þess er reyndar augljós og hefur ekkert með sölu Orkuveitunnar á HS Orku til Magma Energy. Það er nefnilega stór hluti sem er að gera hróp að meirihlutanum í borgarstjórn vegna þess að þar er um að ræða stuðningsmenn Samfylkingar, VG og Borgarahreyfingar sem eru að hefja kosningabaráttu fyrir komandi sveitarstjórnarkosningar og vilja fella meirihlutann í borgarstjórn hvað sem það kostar og með hvaða meðulum sem er.

Tvískinnungur Samfylkingar sem er með eina stefnu í ríkisstjórn í málinu og aðra í borgarstjórn undirstrikar þetta. Einnig það að stuðningsmenn VG  beitir sitt fólk í ríkisstjórn ekki þrýstingi til að grípa inn í á þann hátt sem ríkisstjórnin getur gert.

Við eigum eftir að sjá fleiri svona flokkspólitískar uppákomur í vetur af hálfu stuðningsmanna minnihlutans í borgarstjórn.