Hvernig á að manna þetta bákn?

Ég bara spyr hvers vegna er verið að fara í þessar framkvæmdir núna þegar Landspítalinn getur ekki fullmannað núverandi skipulag.  Verður ekki helmingur nýja spítalans deildir sem eru lokaðar vegna fjárskorts?

Fimm teymi hanna nýjan spítala

Athugasemdir

[Gísli Sigurðsson, 22.2.2010 kl. 16:02]

Mér dettur nú í hug saga Heilbrigðisstofnunar Suðurnesja. Heilbrigðis og fjármálaráðherrar koma og fara, veittar hafa verið heimildir til að byggja við sjúkrahúsið og leyft að byggja hinar ýmsu deildir og skurðstofur. Síðan koma nýir ráðherrar og þá er öllu breytt og ekki lengur hægt að reka þær deildir sem áformaðar voru. Er það ekki eitthvað í þessa áttina sem nýi spítalinn verður, flottar byggingar en bara ekki til peningar til að reka neitt í þeim nema í skötulíki.

[XO (IP-tala skráð) 22.2.2010 kl. 17:04]

Landspítali er fullmannaður og hefur verið að segja upp fólki. tugir hjúkrunarfræðinga eru á atvinnuleysisskrá.Sérfræðilæknar  vinna staðfastlega að einkavæðingu heilbrigðisþjónustunnar, með eiganda Röntgen Domus í sæti formanns læknafélagsins.Íslenskir tæknisnillingar og framúrstefnuhönnuðir munu nú sem áður afreka að byggja húsnæði fyrir Landspítala sem er flott, dýrt og lekt ,en hentar enganvegin starfseminni því þeir sem eiga að nota aðstöðuna verða ekki með í ráðum frekar en fyrri daginn. Tæknigarður HÍ er eitt snildarverkið.

[Promotor Fidei, 23.2.2010 kl. 05:17]

Ég held að betra sé að spyrja hvers vegna menn eru enn að reyna að byggja þetta sjúkrahús við Vatnsmýrina. Gefur augaleið að spítalinn er betur staðsettur annars staðar, en eins og svo oft vill gerast í íslenskri stjórnsýslu er eins og rök og skynsemi séu látin víkja fyrir einhverjum annarlegum pælingum.

Þegar síðan stígur fram á sviðið einhver sem hefur gáfurnar til að taka vitræna ákvörðun um staðsetningu spítalans, þá verður auðvitað búið að henda þessum líka helling af peningum í þessa samkeppni, og laun og störf þessarar blessuðu nefndar sem á að halda utan um undirbuning byggingarstarfsins.

[Stefán Helgi Kristinsson, 23.2.2010 kl. 16:19]

Landspítalinn er ekki að segja upp fólki vegna þess að það sé ekki þörf fyrir það heldur vegna niðurskurðar!  Spítalinn hefur verið alvarlega undirmannaður í mörg ár!

 Gísli,  þetta er rétt... það er grafalvarleg staða í heilbrigðismálum víða um land og óskiljanlegt að það skuli eiga að henda peningum í svona spítalabákn sem mun aldrei nýtast að fullu.