Það þarf að borga Kárahnúkavirkjun

Er þetta ekki bara ein afleiðing af því að ráðist var útí þessa heimskulegu framkvæmdir við Kárahnjúka og samningamenn okkar Íslendinga voru svo lélegir að við erum í raun að borga með orkunni en ekki að græða á henni.

Ef við værum að græða að þá væri varla nauðsynlegt að hækka raforkuverðið endalaust - er það?

Raforkudreifing hækkar í verði

Athugasemdir

[Rosabulla (IP-tala skráð) 4.1.2010 kl. 13:30]

Sko, ég býst við að RARIK komi með það svar við þessu að þarna sé eingöngu verið að hækka dreifingarkostnað, sem komi orkuvinnslu ekki við. Hækkun raforkuverðs komi frá Orkusölunni, það varð að aðskilja rekstur dreifiveitna og orkuvinnslunnar skv. ákvæðum laga ESB.

[Haukur (IP-tala skráð) 4.1.2010 kl. 13:40]

Rétt hjá bullunni, það er sáralítið samband á milli kostnaðar við rekstur á dreifikerfi rafmagns (33 kV og lægri spenna í línum og strengjum) og þess hvort að Kárahnjúkar hafi reynst arðbær virkjun eða ei. Sambandið fellst þó í því að RARIK verður að kaupa orkutöp fyrir það sem tapast í dreifikerfinu sem og að standa Landsneti skil á þóknun fyrir það sem tapast í flutningskerfinu, en þessir liðir vega samanlagt líklega vel undir 10% af kostnaði RARIK og eru þar af leiðandi háðir orkuverði. Þá á RARIK ekkert í Landsvirkjun eða öfugt.

[Rarikfan (IP-tala skráð) 4.1.2010 kl. 13:42]

Rarik hefur ekkert með Kárahnjúka að gera, þannig að ég sé ekki af hverju þeir ættu að fara borga fyrir þessa frábæru virkjun fyrir austan.