Icelandphotoblog

Er þetta ekki annars markmiðið hjá stjórnmálamönnum?  Þeir vilja virkja og virkja og virkja...  það endar auðvitað með því að við verðum búin að rústa öllum náttúruperlum okkar sem þýðir að ferðamannastraumurinn verður núll.  Hvaða ferðamaður haldið þið að hafi áhuga á að sjá eintómar stíflur og álver?

Hvers vegna í ósköpunum erum við síðan að fara út í stórfelldar jarðvarmavirkjanir þegar 90% af orkunni fer bara útí loftið og til spillis?  Væri ekki ráð að þróa í það minnsta betri tækni sem nýtir orkuna betur og nota þær virkjanir sem nú þegar eru til staðar til prófanna?

Katrín talar um 700 megawött... hver á að njóta góðs af því,  ekki verður það almenningur í landinu það er bókað!  Nei,  það verða einhverjir álverskóngar sem fá þessa orku alveg bókað gefins miðað við árangur yfirvalda í samningum hingað til!

Þessar framkvæmdir eiga allar að fara í salt á meðan við erum að vinna okkur út úr kreppunni sem meðal annars risaframkvæmdirnar á Kárahnjúkum áttu sinn þátt í!

	Deilt um megavött á Alþingi
Ábyrgðarmaður færslu Tilkynna um óviðeigandi tengingu við frétt

Væri ekki ráð að sína jafnrétti í verki með því að fara í rannsóknir á tíðni á ofbeldi þar sem konan er gerandinn.  Tölfræðin hér á landi er verulega skökk þar sem inní hana vantar heilan hóp fórnarlamba kynferðisofbeldis,  þ.e. stráka/karla.  Erlendis hafa rannsóknir sýnt að karlar séu fórnarlömb í 30-40% tilvika kynferðis- og/eða heimilisofbeldis.  Þjóðsagan um að yfir 90% karla séu gerendur er löngu afsönnuð erlendis en virðist enn vera uppi á Íslandi í dag.

Svo legg ég til að við hættum að tala um þetta sem "kynbundið" ofbeldi því það er bara ekki rétt!

	Leggja til aðgerðir gegn ofbeldi á konum
Ábyrgðarmaður færslu Tilkynna um óviðeigandi tengingu við frétt

Greinin endar á "Eins og fyrri ár eru langflestir ofbeldismennirnir karlar, eða rúmlega 91%. Fæst af þeim málum sem til umræðu eru hjá Stígamótum eru kærð, eða einungis 11,4%."

Það væri alveg hægt að segja að eins og fyrri ár sé tölfræðin skekkt þar sem það vantar algjörlega inn að strákar/karlar verða einnig fyrir kynferðisofbeldi (af völdum karla og kvenna) og í miklu meiri mæli en hingað til hefur verið viðurkennt.  Einnig verða stúlkur/konur fyrir kynferðisofbeldi af hendi kvenna.

Könnun í Bandaríkjunum sýnir að 1 af hverjum 6 strákum verður fyrir kynferðisofbeldi en 1 af hverjum 4 stúlkum.  Það er nokkuð ljóst að kynferðisofbeldi gagnvart strákum/körlum er enn vel falið vandamál á Íslandi í dag.

Skv. rannsóknum eru konur að minnsta kosti 25% af þeim sem fremja kynferðisbrot.  Sjá hér

Bæði kyn verða fyrir heimilisofbeldi og nauðgunum...  það er jafnskelfilegt hvort sem fórnarlambið er karl eða kona.  Það er því verulega hæpið að kalla þetta kynbundið ofbeldi!

Við skulum fá allan sannleikann uppá borðið en ekki vera með áróður þar sem einungis önnur hlið mála er tekin sem heilögum sannleik.  Það er komið nóg af því!

	Flest brot framin á ungu fólki
Ábyrgðarmaður færslu Tilkynna um óviðeigandi tengingu við frétt